Колумбија е последниот патник во осминафиналето на Светското првенство, откако со минимални 1-0 ја совлада Гана во натпревар одигран во Канзас Сити. Јужноамериканската селекција беше подобар ривал во најголемиот дел од средбата и заслужено го продолжи настапот на Мундијалот. Победничкиот погодок падна уште во 14. минута, кога Џон Ариас најдобро се снајде во противничкиот шеснаесетник и со удар со глава ја испрати топката во мрежата по одличниот центаршут на Луис Суарез. Само неколку минути претходно Колумбија остана без Џон Кордоба, кој поради повреда мораше предвреме да го напушти теренот.

До паузата Колумбијците создадоа уште неколку опасни ситуации преку Луис Дијаз, Суарез и Мохика, но голманот на Гана, Лоренс Ати-Зиги, со неколку добри интервенции ја одржа својата репрезентација во игра. Во второто полувреме Луис Дијаз повторно ја затресе мрежата, но по ВАР-проверката погодокот беше поништен поради офсајд. Гана се обиде да стигне до израмнување, но не успеа да создаде доволно опасни можности пред голот на Колумбија.

Во финишот Давинсон Санчез беше блиску до втор гол за јужноамериканската селекција, но неговиот удар со глава повторно го запре Ати-Зиги. Тоа не ја промени судбината на натпреварот, бидејќи Колумбија ја сочува минималната предност и го завери пласманот во осминафиналето со сигурна и зрела игра.