Светското првенство во 2026 година ќе донесе и голема битка на спортските брендови. Репрезентациите ќе ги претстават своите најнови дизајнерски креации на глобалната сцена. Дресовите одамна не се само опрема, туку и вистински спортски модни парчиња.
Дури 77 отсто од селекциите ќе носат дресови од големата тројка: Адидас, Најк и Пума. Адидас е апсолутен лидер и дизајнираше опрема за дури 14 национални тимови. Меѓу нив се актуелниот светски првак Аргентина, Германија, Шпанија и ко-домаќинот Мексико.
Американскиот гигант Најк е на второто место и облекува 12 репрезентации. Овој бренд се погрижи за изгледот на ко-домаќините САД и Канада, како и Бразил и Англија. Пума се наоѓа на третата позиција и креираше дресови за 11 селекции. Во оваа група се истакнуваат репрезентациите на Португалија и Мароко.
Остатокот од тимовите на турнирот ќе настапат во опрема од помали производители. Шпанскиот бренд Келме ги дизајнира дресовите за Босна и Херцеговина и Јордан. Некои селекции, како Еквадор, Иран и Узбекистан, избраа локални компании за својот визуелен идентитет. Останатите брендови како Умбро, Рибок, Капа и Јако ќе имаат по еден свој претставник на турнирот.
90 minutes or 24/7. wear yours everywhere.
you’re welcome. 🤝introducing 26 world-class kits for ’26: https://t.co/kFNkQLTtFo pic.twitter.com/bJOmAu9ZeJ
— adidas Football (@adidasfootball) March 20, 2026