Тренерот на Интер, Кристијан Киву, порача дека неговиот тим нема да отстапи од својот стил на игра на гостувањето кај Реал Мадрид на „Сантијаго Бернабеу“, со кое „нероаѕурите“ ја започнуваат својата кампања во Лига на шампиони. Киву беше дел од тимот на Интер кој под водство на Жозе Мурињо освои тројна круна, а со португалскиот стратег и денес го поврзува силна лична врска, со оглед на тоа што Мурињо сега е на кормилото на Реал Мадрид.

„Имаме обврска да напишеме важни страници во историјата на овој клуб“, изјави Киву на прес-конференцијата пред натпреварот. Какви се моите емоции на овој стадион? Сега е уште поубав. Денес е уште помодерен и за секого е задоволство да има можност да игра натпревар тука“, сподели Романецот. Мурињо е посебен човек за мене. Средбата со него беше голема среќа. Ми помогна во најтешкиот момент од мојот живот и никогаш нема да го заборавам“, призна Киву.

На прашањето дали неговиот стил на игра е под влијание на Мурињо, тренерот на Интер одговори:

„Никогаш не сум копирал никого. Имам сопствено гледиште за фудбалот, кое го изградив како играч, но и низ годините поминати во младинскиот сектор, каде што имав можност да експериментирам со различни работи кои ми помагаат и денес. Да се игра на „Бернабеу“ никогаш не е лесно за никого. Поминаа 60 години откако Интер последен пат победи тука. Многу тимови се обидувале да слават во Мадрид. Ќе направиме сè што е во наша моќ, но без да го менуваме она што сме. Сакаме да бидеме доминантни, сакаме да покажеме дека сме напредувале и дека сме созреале. Не постои совршен начин на кој треба да му се спротивставите на Реал Мадрид“, додаде тренерот на Интер.