Легендарниот капитен на Манчестер Јунајтед, Рој Кин, упати жестоки критики кон својот поранешен клуб по драматичното реми од 4:4 против Астон Вила. Иако ги пофали фудбалерите за покажаниот борбен дух и враќањето од негатива од 2:4 во судиското надополнување, тој истакна дека дефанзивната игра на тимот е на катастрофално ниво. Поранешниот ирски репрезентативец ги посочи отсуството на лидери во соблекувалната и тензиите меѓу најискусните играчи како клучен проблем за слабиот старт на сезоната. Кин посебно се осврна и на изјавите на менаџерот Мајкл Керик, предупредувајќи дека среќата од последните два меча брзо ќе исчезне пред претстојното дерби со Ливерпул.

По натпреварот, Кин без влакна на јазикот ја анализираше ситуацијата на „Олд Трафорд“:

„Да го гледаш Манчестер Јунајтед е исто како да се возиш на ролеркостер во лунапарк. Имаше периоди кога играта во одбраната беше катастрофална, а нивото на тимот е сè уште далеку од она што е потребно дури и за средината на табелата. Менаџерот е под голем притисок, зборува многу, а не кажува ништо, ми звучи како политичар. Денеска им се посреќи, им се посреќи и против Рома, но следното гостување е кај Ливерпул.“