Интер Мајами официјално го промовираше Кристијан „Кили“ Гонзалес за нов тренер на тимот. Аргентинскиот стратег потпиша договор со клубот до јуни 2028 година и веднаш ќе започне со работа. Гонзалес беше најавен уште минатиот месец, но неговото преземање на функцијата зависеше од добивањето на потребните работни дозволи во САД. Во меѓувреме, тимот го водеше Гиљермо Ојос, кој ја извршуваше улогата на привремен тренер по заминувањето на Хавиер Маскерано во април.

Новиот предводник го презема Интер Мајами во момент кога резултатите не се на посакуваното ниво. Тимот во последните пет натпревари од регуларниот дел на сезоната забележа само една победа, иако во составот има голем број искусни фудбалери, предводени од Лионел Меси. Интер Мајами моментално се наоѓа на второто место во Источната конференција, со девет бодови помалку од лидерот Нешвил.

За Гонзалес ова ќе биде ново поглавје во тренерската кариера. Поранешниот аргентински репрезентативец собра 56 настапи за националниот тим, а во играчките денови настапуваше и за Интер, Валенсија и Росарио Сентрал. Тренерската кариера ја започна во 2020 година, а досега работеше во неколку аргентински клубови.

Гонзалес веќе го одработи првиот тренинг со тимот, а неговото деби на клупата ќе биде на голем предизвик. Интер Мајами го очекува натпреварот против мексиканскиот Круз Азул во рамките на Кампеонес купот.

Listo para trabajar. 🇦🇷🩷 Bienvenido a Miami, Cristian ‘Kily’ González.

🔗 https://t.co/IuDVDwXLPC pic.twitter.com/LCcHafUDHB

— Inter Miami CF (@InterMiamiCF) September 15, 2026