Македонскиот фудбалски тренер Југослав Тренчовски е официјално нов шеф на стручниот штаб на Олимпија Љубљана. Струмичанецот ја презема функцијата по разделбата на словенечкиот клуб со Мишо Бречко, кој беше разрешен поради незадоволителниот старт на сезоната. Раководството на Олимпија се одлучи за Тренчовски по успешната работа што ја имаше со Радомље, каде што минатата сезона остави силен впечаток со резултатите и играта на тимот.

Со новата функција, Тренчовски ќе има можност да соработува и со македонскиот репрезентативец Димитар Митровски, од кого во клубот очекуваат значаен придонес во текот на сезоната. Промоцијата и потпишувањето на договорот веќе се финализирани, а македонскиот стратег веднаш започнува со работа и подготовка на екипата за претстојните предизвици.