Иако веќе е насочен кон новите предизвици со српската репрезентација, Никола Јокиќ призна дека елиминацијата на Евробаскет 2025 сè уште му остава горчлив вкус. Новиот капитен на Србија порача дека разочарувањето од минатото лето останува силен мотив за идните настапи во националниот дрес. Ѕвездата на НБА и еден од најдобрите кошаркари во светот беше меѓу првите што се приклучија на подготовките на репрезентацијата, испраќајќи јасна порака колку му значи националниот тим.

„Тој пораз сè уште го носам со себе. Тешко е да се прифати кога очекувањата се толку големи, а резултатот е спротивен на сите планови. Токму затоа имаме уште поголема обврска да се вратиме посилни и да покажеме што навистина вредиме“, истакна Јокиќ.

Србија ќе ги започне квалификациите за Мундобаскетот 2027 со амбиција повторно да биде меѓу најдобрите, а Јокиќ ќе ја предводи селекцијата со капитенската лента на раката.