Екипата на Денвер Нагетс се соочува со вистински кошмар пред претстојниот дуел против Хјустон Рокетс, откако беше објавено дека речиси сите носители на играта се под голем знак прашалник поради повреди.

Според информациите од американските медиуми, првата ѕвезда на тимот Никола Јокиќ има проблеми со лактот, што дава објаснување за неговиот нешто поскромен процент на шут од стартот на сезоната. Поради оваа повреда евентуалниот настап на центарот против „ракетните“ е под сериозен ризик.

Сепак, тука не завршуваат главоболките за Нагетс, бидејќи на медицинскиот извештај се најде речиси целата стандардна петорка. Џамал Мареј се мачи со повреда на левата потколеница, додека Кристијан Браун има болки во листот на ногата. Дополнително, Арон Гордон, Камерон Џонсон и Демар Дерозан се соочуваат со непријатни повреди на грбот. Доколку поголемиот дел од овие кошаркари не добијат зелено светло, тренерот Аделман ќе има огромни проблеми дури и да состави комплетен тим за натпреварот. Сепак, во таборот на Денвер сè уште постои надеж дека барем дел од нив ќе стиснат заби и ќе истрчаат на паркетот за да се избегне целосно десеткуван состав.