Селекторот на Швајцарија, Мурат Јакин, најави ротации во составот за претстојниот дуел против Македонија во Лигата на нации, но подвлече дека неговиот тим влегува со максимален професионализам и нема намера да го потцени ривалот и покрај убедливата победа од 3-0 во Скопје.

Швајцарците се наоѓаат во одлична позиција во групата, што му овозможува на Јакин да освежи дел од линиите по триумфот над Словенија. Тој најави три или четири промени во стартните единаесет, а потврди и дека сигурна шанса ќе добие младиот Алвин Сансес.

„Сигурно ќе има три или четири промени во тимот. Сè уште не сум донел конечна одлука кој ќе започне, сакам прво да го видам последниот тренинг. Алвин сигурно ќе добие минутажа утре. Нашата ситуација е многу поволна, но мораме да ја завршиме работата до крај. На вистинскиот пат сме и сакаме повторно да се вратиме на големата сцена“, порача Јакин.

Натпреварот меѓу Швајцарија и Македонија се игра во вторник во Луцерн, со почеток од 20:45 часот.