Поранешниот голгетер на Манчестер Јунајтед, Димитар Бербатов, упати жестоки критики на сметка на „црвените ѓаволи“ по катастрофалниот пораз од 4:1 на гостувањето кај Комо во 3. коло од Лигата на шампионите.
Анализирајќи го мечот во студиото на „ТНТ Спортс“, легендарниот напаѓач искрено призна дека италијанскиот состав ги посрамотил ѕвездите од „Олд Трафорд“ во сите сегменти од играта.
„Комо го надигра Манчестер Јунајтед во секој можен поглед. Воопшто не изгледаше дека фудбалерите на Јунајтед го дадоа својот максимум на теренот. Играчите на Комо едноставно уживаа и се забавуваа на теренот. На моменти изгледаше како да гледам дуел меѓу возрасни мажи и деца“, порача Бербатов.
Оваа жестока реакција на легендата на Премиер лигата дополнително ги потпалува страстите во Манчестер, каде што по серијата катастрофални резултати сè погласно се бара итна смена на менаџерот Мајкл Керик.
View this post on Instagram