Англискиот напаѓач Иван Тони се соочува со судски процес откако беше обвинет за напад по инцидент кој се случил минатата година во Лондон. Случајот се однесува на настан од 6 декември 2025 година во еден ноќен клуб на улицата Вордур во познатиот кварт Сохо. Тони, кој моментално настапува за саудискиот клуб Ал Ахли, официјално бил обвинет на 31 јули, а пред судот во Вестминстер треба да се појави на 24 септември.

Од таборот на англискиот фудбалер порачаа дека тој го прифаќа фактот дека е обвинет, но дека е изненаден од ситуацијата и очекува можност да ја докаже својата страна од приказната. Според информациите од британските медиуми, инцидентот започнал откако маж му пришол на Тони со барање за фотографија, а потоа наводно го фатил фудбалерот околу вратот и рамениците. По неколку предупредувања да се тргне, Тони реагирал со удар со глава, тврдат извештаите.

Тони зад себе има успешен период на фудбалски план. Беше дел од англиската репрезентација на Светското првенство, каде настапи против Франција и Аргентина, а во 2024 година го напушти Брентфорд и се пресели во Саудиска Арабија. Во дресот на Ал Ахли, напаѓачот имаше импресивна сезона со 42 гола и 11 асистенции на 49 натпревари, но сега вниманието е насочено кон неговата ситуација надвор од фудбалските терени.