Азербејџанскиот клуб Сабах оствари историски успех и за првпат во својата клупска историја ќе игра во групната фаза од Лигата на шампионите, откако во драматичен реванш од плејофот го елиминираше Хапоел Бер Шева. По поразот од 2-1 во првиот меч, Сабах постигна гол за 3-2 во последната минута од регуларниот дел за продолженија, во кои целосно го нокаутираше израелскиот шампион за конечни 5-2 (вкупно 6-4). Со овој поразот Хапоел Бер Шева ги заврши квалификациите за елитата и продолжува во Лигата на Европа.

Пласман во елитното друштво потврди и норвешкиот Бодо/Глимт, кој втора година по ред ќе биде дел од Лигата на шампионите. По триумфот од 3-1 во првиот натпревар, Бодо на домашен терен рутински го совлада НЕК Нијмеген со 3-0. Работите за холандскиот тим се компликуваа уште во третата минута кога голманот Кретац доби директен црвен картон, по што норвешкиот тим со погодоците на Бјоркан и Оукленд во судиското продолжение од првиот дел и автоголот на Фонвил во 73-та минута ја запечати победата и пласманот во ЛШ.