Екипата на Ипсвич експресно, по само една сезона во Чемпионшип, се врати во Премиер Лигата со победата на домашен терен против КПР со 3:0. Со оваа победа Ипсвич ја задржа предноста на табелата пред Милвол и како второпласиран обезбеди премиерлигашки фудбал на „Портман Роуд“ во наредната сезона. Екипата предводена од Керан МекКена го започна натпреварот фуриозно и веќе по 10 минути имаше предност од 2:0. Прво во 3-та минута погоди Џорџ Хирст, а Џејден Филоген во 9-та минута ја зголеми предноста. Конечниот резултат го постави Кеси МекАтир со гол во 85-та минута.
Претходно Ковентри Сити предводен од Френк Лампард, како првопласиран, се врати во Премиер Лигата по 25 години.
