Црногорскиот клупски фудбал минува низ еден од најтешките периоди во својата историја. По девет одиграни натпревари во европските квалификации, сите четири претставници забележаа девет порази и не освоија ниту еден бод за националниот коефициент.

Дечиќ, Петровац и Морнар беа елиминирани уште во првото квалификациско коло, а шампионот Сутјеска по елиминацијата од Лигата на шампионите убедливо загуби и во првиот меч од второто коло во Конференциската лига. Доколку биде поразена и на реваншот, Црна Гора ќе има катастрофален биланс од 10 порази во 10 натпревари.

Искусниот тренер Брано Милачиќ смета дека главната причина за неуспесите се погрешната клупска политика и ангажирањето на неквалитетни засилувања, додавајќи дека единствениот излез е клубовите повторно да се насочат кон развојот на младите домашни фудбалери.