Мундијалската еуфорија која ја прати репрезентацијата на Босна и Херцеговина на овој шампионат очигледно ги „зарази“ и најголемите фудбалски легенди. На социјалните мрежи со молскавична брзина се рашири видео исечок од официјалното студио пред натпреварот меѓу БиХ и Канада, во кој главни ѕвезди се славните напаѓачи Златан Ибрахимовиќ и Тјери Анри.
Додека го најавуваа дуелот кој подоцна заврши со реми, двајцата поранешни голгетери решија максимално да се опуштат пред камерите и во живо го запеаја популарниот рефрен „I am from Bosnia, take me to America“. Нивното шоу во преносот веднаш стана вирален хит, собирајќи милиони прегледи и лајкови од фановите ширум светот.
Инаку, овој весел ритам всушност е преработка на познатата нумера „USA“ на босанскиот бенд „Дубиоза Колектив“. Песната во изминатиот период доживеа неверојатна експлозија на социјалните мрежи и целосно ги надмина границите на Балканот, па во моментов ја пеат навивачи, фудбалери и спортски куќи на сите меридијани, етикетирајќи ја како најсимпатичната неформална химна на овогодинешниот Мундијал.
Thierry Henry i Zlatan Ibrahimović podigli euforiju:
“I’m from Bosnia, take me to America…” pic.twitter.com/9JZOb9k3bo— Slobodna Bosna (@SlobodnaBosna) June 12, 2026