Административните и безбедносните филтри на границите се сè построги па фудбалските федерации се соочуваат со неочекувани главоболки околу комплетирањето на своите ростери на американско тло. Токму ваков емотивен и бирократски ролеркостер помина селекцијата на Швајцарија која во последен момент доби одлични вести за својот клучен офанзивец, Брел Емболо.

Откако пред неколку дена доживеа шок и беше вратен од аеродромот додека неговите соиграчи полетуваа за Калифорнија, искусниот дваесет и деветгодишен напаѓач на Монако, Брел Емболо, конечно доби официјална виза за влез во Соединетите Американски Држави. Проблемот со неговата електронска ЕСТА дозвола настана поради ригорозните дополнителни проверки на американските емиграциони власти поврзани со неговите минати правни процеси и условната судска пресуда за закани од 2023 година во Базел.

По принудното заминување на итен разговор во американската амбасада во Берн каде детално беше прегледана комплетната документација, американските власти дадоа зелено светло, по што Швајцарската фудбалска федерација со олеснување потврди дека напаѓачот веќе пристигнува во тренинг кампот во Сан Диего. Емболо ќе биде на располагање на селекторот за клучните предизвици во рамките на групата Б, каде Швајцарците ја отвораат мундијалската кампања на  13 јуни против Катар, по што следуваат и дуелите против Босна и Херцеговина и селекцијата на домаќинот Канада.