Аргентинскиот напаѓач Хулијан Алварез ја одбил понудата за нов и подобрен договор од раководството на Атлетико Мадрид. Одличниот фудбалер не сака да ја продолжи соработката бидејќи неговата примарна желба е трансфер во Барселона. Мадридскиот клуб му понудил плата од десет милиони евра по натпреварувачка сезона. Со тоа тој би станал убедливо најплатениот фудбалер во тимот на „јорганџиите“.
Актуелниот договор на Алварез со клубот од Мадрид има важност до јуни 2030 година. Неговата официјална излезна клаузула изнесува недостижни 500 милиони евра. По неколкумесечни интензивни преговори, напаѓачот дефинитивно решил да ја одбие богатата понуда.
💣🚨 BREAKING: Julián Alvarez has NO intention to accept Atlético Madrid’s renewal offer.
He wants to join Barça, as he believes he deserves a better and more ambitious project that gives him a better chance at winning titles.
This has nothing to do with Simeone, as their… pic.twitter.com/vxjkzdBFs4
— Atletico Universe (@atletiuniverse) May 25, 2026
Аргентинецот сака да се приклучи на спортски проект кој е поблиску до борбата за најголемите европски трофеи. Нему не му пречи да има и помала индивидуална улога во тимот на Барселона. Таму тој би ја делел соблекувалната со големите ѕвезди Ламин Јамал и Рафиња. Наводно, неговото прикриено незадоволство во Мадрид трае уште од самиот почеток на оваа сезона.
Предводникот Диего Симеоне и понатаму има максимална доверба во својот сонародник. Под негово водство Алварез ги постигна најдобрите голгетерски бројки во својата професионална кариера. Сепак, сезоната без освоен трофеј и промашениот пенал во финалето на Купот донесоа дополнителен притисок врз играчот.
Управата на Атлетико Мадрид нема лесно да го пушти напаѓачот во редовите на директниот ривал. Тие порачаа дека Алварез може да си замине само со понуда од најмалку 150 милиони евра.