Хрватскиот дефанзивец Јосип Шутало во претстојната сезона ќе ги брани боите на Лацио. По три години минати во Ајакс и 108 одиграни натпревари, хрватскиот репрезентативец реши да ја промени средината и пристигнува во Рим на едногодишна позајмица.

„Небесно-сините“ му платија три милиони евра на клубот од Амстердам за едногодишниот престој на стоперот. Договорот содржи и клаузула за целосен откуп следното лето за 7,5 милиони евра, како и 10 проценти од следниот иден трансфер.

Ангажманот на Шутало доаѓа по катастрофалниот старт на сезоната за тимот предводен од Џенаро Гатузо. Лацио претрпе шокантно испаѓање од Купот на Италија, откако на домашен терен во Рим претрпе неочекуван пораз од Мантова со 2:0.