Организациските пропусти на Светското првенство продолжуваат да прават главоболки, а најновата жртва е селекцијата на Јапонија. Незадоволни од катастрофалните услови кои ги дочекаа на самиот старт, челниците на јапонската репрезентација донесоа радикална одлука експресно да го напуштат својот камп во Мексико и во остатокот од шампионатот да се стационираат на тлото на Соединетите Американски Држави.
Главната причина за ваквиот револт кај популарните „Самураи“ е очајната тревната подлога во Монтереј, која не ги исполнувала ниту основните професионални стандарди за тренинг. Поради страв од повреди и неможност за нормална тактичка подготовка, Јапонците ја напуштија првобитната база и веќе се преселија во Нешвил, каде што ќе ги финализираат плановите за мундијалските искушенија.
Оваа ненадејна преселба комплетно им ја расипа првичната логистика. Јапонија свесно го избра Монтереј како своја куќа бидејќи два од трите натпревари во групата ги игра на стадионот на Далас Каубојс – првиот против Холандија на 14 јуни и третиот против Шведска на 26 јуни. Иако географската оддалеченост од Далас до Монтереј и Нешвил е слична, сепак планот на Азијците беше да останат во Мексико бидејќи токму таму, на 21 јуни, ќе се соочат со селекцијата на Тунис.
Со овој потег, Јапонија стана само уште една во низата репрезентации кои јавно го кренаа гласот и упатија жестоки критики до организаторите за лошите услови на овој планетарен собир.
🇲🇽⚠️ Bad image for Mexico in front of the world…
🇯🇵 Japan’s national team reportedly faced poor conditions at Tigres’ facilities, which were rented for their World Cup preparations. 😬🏟️
👀 The situation reportedly escalated to the point where Japan was close to leaving the… pic.twitter.com/QPpk7YdeOV
— NextMex (@NextMexOficial) June 4, 2026