Ерлинг Халанд продолжува да ги помера сите граници во светскиот фудбал. Напаѓачот на Манчестер Сити и официјално ги доби сертификатите од Гинисовата книга на рекорди за четири неверојатни остварувања во Премиер лигата, Лигата на шампионите и Лигата на нации.

With the new season about to kick off, multiple record holder @Erling Haaland has been presented with certificates recognising his extraordinary football career highlights so far ⚽🏅https://t.co/JcapYcxNEc

— Guinness World Records (@GWR) August 13, 2026

Најимпресивниот го оствари во англиското првенство, каде што за само 111 натпревари стигна до 100 постигнати голови, подвиг што ниту еден фудбалер пред него го нема остварено толку брзо. Покрај тоа, кај него е и рекордот за најмногу погодоци во една сезона од Премиер лигата, откако во дебитантската 2022/23 дури 36 пати ги тресеше мрежите.

Третото признание пристигна за репрезентативниот учинок во Лигата на нации каде што со 19 голови стана најдобар стрелец во историјата на ова натпреварување, додека четвртиот рекорд го дели со Лионел Меси и Луиз Адријано за петте постигнати голови на еден меч во Лигата на шампионите против Лајпциг.

Пред норвешкиот голгетер сега е нов предизвик во тимот предводен од Енцо Мареска, а веќе за два дена ќе има можност да дојде до првиот трофеј во новата сезона, против Арсенал во Комјунити Шилд.