Екипата на Манчестер Сити го запиша вториот триумф на стартот од новата сезона во Премиер лигата, откако славеше на гостувањето кај Кристал Палас со убедливи 4-1. „Граѓаните“ одиграа уште еден сигурен натпревар и сочуваа максимален ефект од шест бода по првите две одиграни кола.

Резултатот го отвори Ерлинг Халанд во 17. минута, постигнувајќи го својот прв првенствен гол во сезоната и прв по промената на фризурата. Во вториот дел на сцена стапи Рајан Шерки, кој со два погодоци во кус период од само пет минути, во 54. минута и 59. минтута, ѝ донесе убедлива предност на својата екипа, па така автоголот на голманот Џанлуиџи Донарума во 56. минута не донесе поголеми грижи за гостите.

Точка на натпреварот и печат на победата стави повторно Халанд со својот втор гол на мечот во 84. минута од средбата, поставувајќи ги конечните 4-1 за продолжување на победничкиот старт на Манчестер Сити.