Најдобрата македонска тенисерка Лина Ѓорческа го заврши настапот на ВТА 125 турнирот во Анталија, откако во второто коло доживеа пораз од Италијанката Аурора Зантедески со 1:2 во сетови (6:4, 3:6, 1:6).

Дуелот започна одлично за македонската тенисерка, која по почетното водство од 3:0 го издржа враќањето на противничката и со нов брејк во финишот го освои првиот сет со 6:4. Сепак, Зантедески ја презеде контролата врз ритамот во продолжението, па со по два брејка во вториот и третиот сет направи комплетен пресврт и стигна до триумф по два часа и 15 минути борба.

Со пласманот во оваа фаза од турнирот во Турција, Ѓорческа заработи 15 нови поени за ВТА ранг-листата. Нејзин следниот предизвик ќе биде настапот на ВТА 125 турнирот во Љубљана следната недела.