Борусија Дортмунд доби сериозен удар уште на почетокот од новата сезона. Јанис Константелиас заработи тешка повреда на коленото и ќе мора да паузира неколку месеци. Германскиот гигант сега останува без големо засилување токму во периодот кога тимот ги гради амбициите за сезоната. Според информациите на „Sky Sport“, 23-годишниот Грк следната недела ќе биде опериран во Минхен. Неговото опоравување би требало да трае меѓу пет и шест месеци, па најрано се очекува да се врати на терените во март 2027 година.

Константелиас ги скина предните вкрстени лигаменти на коленото во натпреварот против Хамбургер на стартот од Бундеслигата. Тој летово пристигна во Дортмунд од ПАОК и требаше да биде едно од новите решенија во средниот ред. Во Борусија се надеваат дека Гркот ќе успее да се опорави навреме за вториот дел од сезоната и повторно да му биде на располагање на тимот во завршницата од кампањата.