Трката за Големата награда на Голема Британија ќе остане дел од Мото ГП шампионатот најмалку до 2028 година. Раководството на Мото ГП потпиша нов договор за соработка со легендарната патека Силверстон за следните две години.

Британското Гран При се врати на Силверстон во 2010 година, откако претходно 24 години по ред се одржуваше на патеката Донингтон Парк.

Претстојната трка на Силверстон ќе се одржи во недела на 9 август и ќе биде 12-та од вкупно 22 трки во оваа сезона. Изминатата година на оваа патека најбрз беше актуелниот лидер во генералниот пласман, Марко Бецеки.