Јирген Клоп призна дека е во напредни разговори со Германската фудбалска федерација околу можноста да ја преземе селекторската функција на националниот тим, по заминувањето на Џулијан Нагелсман по Светското првенство 2026.

Поранешниот тренер на Ливерпул истакна дека интерес постои од двете страни и дека процесот е веќе започнат, но дека конечна одлука сè уште не е донесена. Тој нагласи дека ситуацијата се развива брзо и дека Германија се наоѓа во период кој бара сериозни промени и нов правец во репрезентативниот фудбал.

Клоп додаде дека пред да донесе конечна одлука ќе разговара и со раководството на „Ред Бул“, каде моментално е ангажиран, истакнувајќи дека односите со клубот му се важни. Според него, работата со националниот тим претставува голем предизвик и исклучително атрактивна можност, а германскиот фудбал се наоѓа на клучна раскрсница за иднината.