Натпреварот за третото место на Светското првенство во Мајами понуди невиден спектакл и дури десет гола. Англија ја совлада Франција со неверојатни 6:4 и целосно заслужено го освои бронзениот медал. „Гордиот Албион“ одигра фуриозно прво полувреме, но во продолжението мораше да преживее вистинска драма.

Капитенот Деклан Рајс уште во третата минута донесе водство за Англија со фантастичен гол од далечина. Француската одбрана делуваше изгубено, па Езри Конса во 18-тата минута со глава зголеми на 2:0. Пред крајот на полувремето, Букајо Сака постигна два гола и донесе високи 4:0 за својот тим.

Селекторот Дидие Дешам направи четири замени на паузата и тоа целосно го промени ритамот на мечот. Килијан Мбапе намали на 4:1, а веднаш потоа Бредли Баркола погоди за нереални 4:2 во Мајами. Во 66-тата минута Мбапе постигна уште еден гол и ја донесе Франција на само еден чекор до израмнување.

Сепак, Англичаните го издржаа силниот притисок во финишот и ја потврдија победата со нови погодоци. Сака го комплетираше својот хет-трик од пенал во 87-мата минута за предност од 5:3. Усман Дембеле во судиското продолжение намали на 5:4, но Џуд Белингем веднаш ги постави конечните 6:4.