Најпрестижниот тениски турнир во светот, Вимблдон, е зад аголот, а во јавноста веќе се вжештуваат дебатите за тоа какви се моменталните дострели на Новак Ѓоковиќ. Српскиот ас одбива да се залета со помпезни прогнози за своите шанси, но испрати јасна порака дека едвај чека да згазне на омилената подлога. Со препознатлив хумор на своја сметка, Новак истакна дека се радува на враќањето во Лондон, притоа посакувајќи овојпат да не мора да „ги остави белите дробови“ на теренот како на неодамнешниот Ролан Гарос.

И покрај сите дилеми околу неговата константност, спортските аналитичари токму на Вимблдон му ја доделуваат улогата на еден од главните фаворити за пехарот. Ситуацијата во Лондон дополнително му оди во прилог на Новак, на турнирот дефинитивно нема да настапи Карлос Алкараз, додека неговиот најголем конкурент Јаник Синер пристигнува во Англија со сериозно раздрмана самодоверба по шокантно раната елиминација во Париз. Со вака расчистен терен, нападот на Новак кон нова голема титула изгледа пореално од кога било.