Новак Ѓоковиќ го очекува исклучително тежок предизвик во третото коло на грен слем турнирот Ролан Гарос. Негов ривал ќе биде младиот и суперталентиран бразилски тенисер, Жоао Фонсека.

Бразилецот се наоѓа во одлична форма, а неодамна во Рим го совлада и Хамад Меѓедовиќ. Српскиот ас откри дека со својот стручен штаб веќе интензивно ја подготвува тактиката за овој прв меѓусебен дуел. Неговиот тим веќе разговарал со Меѓедовиќ за да добие свежи согледувања од теренот.

Ѓоковиќ истакна дека самите услови за игра можат да имаат големо влијание врз крајниот исход. Поради тоа, тој дополнително ќе процени дали за него е подобар дневен или ноќен термин.

„Фонсека е одличен без разлика кога се игра. Сепак, отскокот на топката преку ден и навечер е доста различен“, порача искусниот тенисер.