Рома ја започнува новата сезона со големи амбиции, но тренерот Гасперини смета дека тимот сè уште не е комплетиран. Пред стартот на Серија А, тренерот побара од управата уште две засилувања. Римјаните веќе ги ангажираа Родриго Мора, Сантијаго Кастро, Нахуел Молина и Константинос Кулиеракис, но Гасперини сака уште еден офанзивец на левата страна и алтернатива за Весли.

„Ни требаат уште двајца играчи, особено поради Лигата на шампионите. Но, не сакаме да носиме фудбалери само за бројка. Потребни ни се играчи кои можат да го подигнат нивото на тимот“, изјави Гасперини.

Сепак, Рома има финансиски ограничувања поради правилата на УЕФА, па клубот ќе мора внимателно да го одработи финишот на преодниот рок.