Фудбалерот на шпански Бургос, Јон Карабикуру, се најде во сериозен проблем со законот откако предизвикал сообраќајна несреќа под дејство на алкохол, а потоа се обидел да ја прикрие својата улога во инцидентот. Дваесет и тригодишниот напаѓач во неделата, 13 септември, доживеал сообраќајна несреќа на патот, при што возилото излетало од коловозот. Карабикуру, кој е и сопственик на автомобилот, наводно се обидел одговорноста за управувањето да ја префрли на својот сопатник. Тој дал негативен тест за алкохол, што дополнително ја отежнало ситуацијата.
Сепак, случајот добил поинаков тек откако службеник од општината Памплона, кој во тој момент не бил на должност, сведочел на настанот. Тој забележал дека друг автомобил направил недозволен маневар непосредно пред несреќата, по што го следел развојот на ситуацијата. По неговата интервенција, припадници на Цивилната гарда го запреле возилото и утврдиле дека зад воланот бил Карабикуру. Кај фудбалерот била измерена концентрација на алкохол речиси трипати над дозволената граница.
Напаѓачот веднаш бил уапсен, а случајот сега ќе продолжи во судот во Памплона. Надлежните дополнително ја истражуваат и улогата на второто возило во целиот инцидент. Карабикуру е поранешен младински репрезентативец на Шпанија и продукт на академијата на Реал Сосиедад. Во актуелната сезона настапува за Бургос.
Според шпанските медиуми, за ваков прекршок се предвидува и затворска казна од три до шест месеци, иако таков исход се смета за малку веројатен. Покрај тоа, може да му биде одземена возачката дозвола во период од една до четири години, како и да добие парична казна или да биде упатен на општествено корисна работа.
⚪️⚫️ | Jon Karrikaburu, futbolista del Burgos, detenido por un presunto delito contra la seguridad vial. 🚔👀
🍷 El delantero de 23 años fue arrestado este domingo tras dar 0,73 mg/l de alcohol en el control
🚗 Presuntamente, sufrió un accidente, abandonó el lugar en otro… pic.twitter.com/V40BJmMOpP
— Laliga News (@laligaa_neews) September 16, 2026