Фудбалерот од средниот ред на Сасуоло, Кристијан Волпато, беше прогласен за виновен за употреба на кокаин, но помина без поригорозни спортски санкции. На 22-годишниот репрезентативец му е изречена единствено парична казна во висина од 450 евра.

Инцидентот се случил кон крајот на јули во Сиднеј, каде што австралиската полиција го сопрела Волпато двапати во иста ноќ поради пречекорување на дозволената брзина. Иако тестот за алкохол бил негативен, при второто сопирање брзиот тест за наркотици покажал присуство на кокаин во неговиот организам.

Волпато е роден во Сиднеј, но фудбалски порасна во Италија. Изминатото лето тој официјално доби австралиско државјанство и ги бранеше боите на австралиската репрезентација на Светското првенство.