Елиминацијата од Баерн Минхен во Лигата на шампионите стана поттик за радикални промени во „кралскиот клуб“, каде претседателот Флорентино Перез веќе означи осум имиња кои ќе го напуштат „Сантијаго Бернабеу“. На изненадувачката листа се најдоа звучни имиња како Едуардо Камавинга и Дани Себалјос, додека искусните дефанзивци Давид Алаба и Дани Карвахал нема да добијат нови договори по завршувањето на нивните обврски.
Дополнително, Реал планира да ги испрати на калење младите надежи Мастантуоно и Гонзало Гарсија, а воедно се шпекулира и за евентуална мега-продажба на некоја од главните ѕвезди како Винисиус или Белингам. Со овој потег, шпанскиот гигант најавува комплетно освежување на тимот по разочарувачката европска сезона, фокусирајќи се на нова стратегија за претстојниот летен преоден рок.
