Барселона има совршен старт на сезоната во Ла Лига, со пет победи во првите пет кола. Последната дојде против Леванте (4:2), со што тимот на Ханзи Флик остана на врвот на табелата. Германскиот тренер сега сака да стигне до седум последователни триумфи, со што би го израмнил рекордот на Барселона за најдобар старт во првенството. Такво достигнување Флик веќе оствари во својата прва сезона на клупата, израмнувајќи го рекордот на Тата Мартино од сезоната 2013/14.

Каталонците импресионираат и со реализацијата. Во првите пет натпревари постигнаа 21 гол, само два помалку од клупскиот рекорд од 23 погодоци, поставен во сезоната 1950/51. Барселона затоа продолжува по две цели – седма победа во низа и уривање на уште еден историски рекорд.