Предводникот на Барселона, Ханси Флик, ги изнесе своите очекувања пред претстојниот дуел против Бетис на жешкиот терен во Севиља, стадион каде што сезонава веќе потклекна нивниот најголем ривал Реал Мадрид. Германецот истакна дека ги очекува исклучително тежок испит против екипа која игра со огромна самодоверба и има максимален ефект на домашен терен.

Германскиот стратег со голема почит зборуваше за колегата Мануел Пелегрини, подвлекувајќи дека Бетис е исклучително офанзивно опасен тим и дека каталонскиот состав ќе мора да прикаже беспрекорна дефанзивна организација доколку сака да си замине со целиот плен.

Што се однесува до играчкиот кадар, германскиот стручњак потврди добри вести за навивачите. Бразилецот Рафиња тренира со екипата и е подготвен за игра, иако неговата минутажа ќе се дозира внимателно, додека во конкуренција за составот се враќа и холандскиот плејмејкер Френки де Јонг, што дополнително ги зголемува опциите во средниот ред на Барселона.