Фиорентина имаше подготвено голема прослава, но наместо јубилејот да го одбележи со победа, доживеа вистински кошмар пред своите навивачи. „Виолетовите“ беа убедливо поразени со 0-3 од новиот прволигаш Фросиноне, кој приреди големо изненадување во Фиренца. На стадионот беа присутни бројни легенди на клубот, меѓу кои Габриел Батистута, Мануел Руи Кошта и Клаудио Раниери, но актуелниот состав не успеа да им приреди причина за славење.

Фросиноне подобро го отвори натпреварот, а по неколку опасни ситуации гостите стигнаа до водство во 30. минута. Џорџи Кверквелија одлично продре по левата страна и испрати повратна топка до Антонио Рајмондо, кој од непосредна близина ја затресе мрежата за 0-1.

Фиорентина имаше свои шанси да израмни, а најголемата несреќа за домаќините беше што во краток период двапати ја погодија рамката од голот. Најпрво Франко Мастантуоно јо погоди стативата, а веднаш потоа и Виктор Валдепенас биеше во конструкцијата. Наместо израмнување, стигна нов удар за домаќините. Во финишот на првото полувреме, Габриеле Бракаља со глава го искористи корнерот на Џакомо Кало и му донесе на Фросиноне предност од 2-0.

Фиорентина се обиде да се врати во игра по паузата, но гостите беа тие што повторно погодија. Во 59. минута Рајмондо постигна фантастичен гол, ја прими топката со гради, ја остави да падне и со силен волеј со левата нога испрати неодбранлив удар под пречката за 0-3.

До крајот, Фросиноне без поголеми проблеми го сочува убедливото водство и стигна до огромна победа на гостувањето во Фиренца.

За Фиорентина ова е втор пораз на стартот од сезоната, откако во првото коло беше убедливо совладана од Рома со 4-0. Фросиноне, пак, по поразот од Јувентус во воведното коло, дојде до своите први бодови во сезоната и тоа на особено импресивен начин.