Иако тензиите на Блискиот Исток и неодамнешните воени дејствија меѓу САД и Иран фрлија сенка врз организацијата на претстојниот Мундијал, мексиканската претседателка Клаудија Шејнбаум потврди дека ФИФА дефинитивно нема да ги премести натпреварите на иранската репрезентација од американско на мексиканско тло.
Светската фудбалска куќа го одби официјалното барање на Иран за промена на локациите, образложувајќи дека таквата одлука би предизвикала преголеми логистички компликации, со што националниот тим на оваа земја ќе мора да се соочи со Белгија, Нов Зеланд и Египет токму на територијата на САД.
Првиот човек на ФИФА, Џани Инфантино, цврсто стои на ставот дека учеството на Иран е неспорно и дека не постои никаков „план Б“ за нивна замена, и покрај најавените бојкоти од иранската федерација и скептицизмот на американскиот претседател Доналд Трамп во однос на безбедноста на тимот.
Овој историски шампионат, кој ќе се одржи во САД, Канада и Мексико од 11 јуни до 19 јули, ќе биде ставен на голем тест за тоа како спортот ќе успее да ги премости длабоките политички конфликти и кревкото примирје меѓу двете нации.
