Макс Ферстапен доживеа разочарувачки крај на последната Голема награда на Холандија на Зандворт, откако ја загуби контролата над болидот и заврши во заштитната ограда. Холанѓанецот помина без повреди, но неговиот Ред Бул претрпе сериозни оштетувања, а трката беше прекината со црвено знаме. Верстапен веднаш ја презеде одговорноста за инцидентот.

„Погрешив. Кривината сè уште беше влажна. Видов посув дел и се обидов да забрзам, но очигледно беше прерано“, изјави четирикратниот светски шампион.

Ударот е особено болен бидејќи ова беше последната Голема награда на Холандија на Зандворт, патека на која Верстапен трипати по ред славеше од 2021 до 2023 година. Наместо борба за победа пред домашната публика, тој трката ја заврши предвреме.