Левиот бек на Интер, Федерико Димарко, официјално ја освои наградата за најкорисен играч во италијанскиот шампионат. Италијанскиот репрезентативец одигра епохална сезона и стана првиот дефанзивец во историјата кој го подигнал ова престижно признание. Димарко беше вистински лидер во походот на „нероаѕурите“ кон нивното рекордно 21. Скудето на италијанските терени. Тој постави нов рекорд со 18 асистенции, а со постигнатите шест голови учествуваше во вкупно 24 погодоци.
Best OVERALL ➡️ Dimarco 🏆 pic.twitter.com/ueRWJRbBz3
— Lega Serie A (@SerieA_EN) May 22, 2026
Покрај него, награди добија уште двајца членови на шампионот, Лаутаро Мартинез за најдобар напаѓач и Кристијан Киву за тренер. Признанието за најдобар чувар на мрежата замина во рацете на Миле Свилар кој имаше 17 натпревари без примен гол за Рома. За најдобар одбранбен фудбалер е прогласен Марко Палестра, додека Нико Паз од Комо е најдобар играч од средниот ред. Наградата за најдобра млада ѕвезда во подем во италијанското првенство му припадна на талентираниот Кенан Јилдиз од Јувентус.