Возбудувањата во Формула 1 продолжуваат овој викенд со трката во Мајами, која е четврта по ред во овогодишниот календар.
Главен хит на сезоната е младиот возач на Мерцедес, Кими Антонели, кој во САД пристигнува како лидер во генералниот пласман. По двете врзани победи во Јапонија и Кина, сите погледи се насочени кон него и прашањето е дали може да ја продолжи серијата. Од друга страна, Макс Верстапен и Ред Бул имаа потежок почеток на сезоната и ќе направат сè за да се вратат на врвот. Викендот во Флорида е специфичен и по тоа што повторно ќе гледаме спринт трка, што носи дополнителни поени и повеќе акција на патеката. Екипите на Ферари и Мекларен исто така најавуваат нови подобрувања на своите болиди за да бидат поконкурентни.
Патеката околу стадионот „Хард Рок“ е позната по големите брзини, но и по честите инциденти кои знаат да ја направат трката непредвидлива. Првите тренинзи започнуваат веќе во петок, а главниот настан е резервиран за недела навечер по наше време. Љубителите на брзината ги очекува вистински спектакл кој ветува борба до последниот круг.
