Првиот натпревар од шеснаесетфиналето на Светското првенство понуди вистински мачен фудбал за гледање, но заврши со историско славје за еден од домаќините. Канада со минимални 1:0 ја совлада Јужна Африка, благодарение на голот на капинетот Стивен Еустакио во судиското продолжение.

Во поголемиот дел од мечот во Лос Анџелес се играше со премногу дефанзива и без речиси никаков ризик. Селекцијата на Јужна Африка беше комплетно безопасна во нападот, додека Канаѓаните ја имаа иницијативата, но поради огромниот притисок тешко наоѓаа простор и креираа ретки шанси преку Олувасеји и Бјукенан.

Казната за пасивноста на Африканците пристигна во 92. минута, кога Еустакио најдобро се снајде во шеснаесетникот и со ладнокрвна реализација донесе огромно воодушевување. Со овој триумф, Канада за првпат во својата историја патува во осминафинале, каде што го чека подобриот од дуелот меѓу Холандија и Мароко.