Холандската фудбалска репрезентација наскоро би можела да добие нов селектор, а меѓу главните кандидати за оваа функција се споменува името на Ерик тен Хаг. Според информациите на новинарот Николо Шира, поранешниот стратег на Манчестер Јунајтед и Ајакс е еден од фаворитите да го наследи Роналд Куман. Во комбинација за селекторската позиција се наоѓа и Арне Слот, кој исто така важи за сериозен кандидат доколку Холандската фудбалска федерација се одлучи за промена на кормилото.

Потребата од нов селектор се појави откако Роналд Куман поднесе оставка по елиминацијата на Холандија од Светското првенство. „Лалињата“ го завршија настапот уште во шеснаесетфиналето, каде по изведување пенали беа поразени од Мароко, откако натпреварот по 120 минути заврши без победник. Тен Хаг последен пат беше ангажиран во Баер Леверкузен, каде кратко ја извршуваше тренерската функција во текот на 2025 година. Сега останува да се види дали токму тој ќе ја добие довербата да ја предводи холандската репрезентација во наредниот квалификациски циклус.