Дани Себаљос повторно го облече зелено-белиот дрес на Бетис, а враќањето во клубот каде што ја започна професионалната кариера донесе бура од емоции. На официјалното претставување во Севиља, шпанскиот играч за врска не успеа да ги задржи солзите додека зборуваше за новото поглавје во кариерата.
„Благодарен сум им на сите што го овозможија овој трансфер, како и на сите навивачи на Бетис. Се вратив дома, таму каде што пораснав. Време е да ги оставам зборовите настрана и на теренот да им ја возвратам целата љубов што ми ја даваа сите овие години“, порача емотивниот Себаљос.
Тој откри дека за заминувањето од Мадрид разговарал и со Жозе Мурињо, кој ја разбрал неговата желба да се врати во матичната средина и да го „затвори кругот“, додека претседателот Флорентино Перез го овозможил реализирањето на трансферот.
Dani Ceballos meeting his new teammates 😁 pic.twitter.com/nxbzQKv6sN
— Real Betis Balompié (@RealBetis_en) September 2, 2026
Иако сè уште ја достигнува оптималната физичка форма, Себаљос веднаш му се стави на располагање на тренерот Мануел Пелегрини. По девет години од заминувањето во Реал Мадрид, тој се враќа на „Бенито Виљамарин“ со јасна цел, да му помогне на Бетис да направи чекор повеќе и на големата сцена во Лигата на шампионите.
🥲 DANI CEBALLOS NO PUEDE EVITAR LAS LÁGRIMAS durante el mensaje de su MUJER tras su REGRESO al @RealBetis.
👏 El utrerano ha sido padre hace pocos días.#ZonaMixta pic.twitter.com/dHREjXrpat
— Zona Mixta (@ZonaMixta__) September 2, 2026