Стефан Ел Шарави повторно ќе го носи дресот на Џенова, клубот во кој ги направи првите фудбалски чекори. Италијанскиот напаѓач се враќа како слободен агент и потпиша договор до крајот на сезоната, со опција за продолжување на уште една година. 33-годишниот фудбалер минатата сезона настапуваше за Рома, за која запиша 26 натпревари, еден гол и три асистенции. Во богатата кариера играше уште за Милан, Монако, Шангај Шенхуа и Падова.

Ел Шарави има и 32 настапи за италијанската репрезентација, на кои постигна седум голови. Со враќањето во Џенова, искусниот напаѓач добива можност повторно да настапува за клубот каде што започна неговата професионална кариера. Од него во Џенова очекуваат пред сè искуство и квалитет во офанзивниот дел од тимот.