Селекторот на Еквадор, Себастијан Бекасече, го соопшти респектабилниот состав за Светското првенство каде главна сила ќе биде гранитната одбрана. Интересно е што дефанзивците Вилијан Пачо (ПСЖ) и Пјеро Инкапие (Арсенал) пред само неколку дена беа ривали во финалето на ЛШ, а сега ќе ги здружат силите со Первис Еступињан (Милан). Прва ѕвезда во средниот ред е Мојсес Каиседо (Челси), кој поради ублажените правила на ФИФА ќе игра уште на првиот меч, а нападот го предводи легендата Енер Валенсија. Еквадорците в недела играат контролен меч со Гватемала, а мундијалскиот старт им е на 15 јуни против Брегот на Слоновата Коска.

Комплетниот состав го сочуваат голманите Ернан Галиндез, Мојсес Рамирез и Гонзало Ваље. Во одбранбената линија се повикани Вилијан Пачо, Пјеро Инкапие, Жоел Ордоњез, Феликс Торес, Первис Еступињан, Јајмар Медина, Анхело Пресијадо и Џексон Порозо. Средниот ред го сочинуваат Алан Минда, Мојсес Каиседо, Жорди Алсивар, Денил Кастиљо, Џон Јебоа, Aлан Франко, Педро Вите, Кендри Паез, Нилсон Ангуло и Гонзало Плата. За нападот и постигнувањето голови ќе бидат задолжени Кевин Родригез, Ентони Валенсија, Енер Валенсија, Жорди Каиседо и Џереми Аревало.