Веднаш по елиминацијата од Лигата на шампионите, Ливерпул се соочи со уште еден тежок удар откако беше потврдено дека Хуго Екитике ја скинал ахиловата тетива. Младиот француски напаѓач настрада на реваншот против ПСЖ, а црните прогнози велат дека тој ќе биде надвор од терените до крајот на оваа календарска година.
Ова е катастрофална вест и за селекцијата на Франција, бидејќи 23-годишниот стрелец дефинитивно ќе го пропушти претстојното Светско првенство во Северна Америка. Екитике сезонава беше еден од ретките светли точки на „Енфилд“ со учинок од 17 погодоци, па неговото долго отсуство ќе биде огромен предизвик за тимот во процесот на рехабилитација.
Клубот веќе најави дека ќе му ја пружи целата неопходна медицинска и морална поддршка на својот голгетер во најтешкиот момент од неговата кариера.
Liverpool FC can confirm Hugo Ekitike has sustained a serious Achilles injury.
— Liverpool FC (@LFC) April 16, 2026
