Бразилецот Едерсон беше на чекор до трансфер на кариерата во Манчестер Јунајтед, но во последен момент дојде до шокантен пресврт. Англискиот гигант во последен момент се откажа од реализација на зделката, откако 27-годишниот играч за врска не ги помина строгите лекарски прегледи поради незадоволителната физичка и здравствена состојба.

Иако првично бил длабоко разочаран од ваквиот расплет на настаните, Бразилецот брзо се соочи со реалноста и експресно одлучи да не ја менува средината. Тој денеска стави потпис на нов долгорочен договор со Аталанта со важност до јуни 2031 година, со што дефинитивно ги затвори сите шпекулации околу неговата иднина.

На овој потпис најмногу се радува новиот стратег на тимот од Бергамо, Маурицио Сари, бидејќи останувањето на Едерсон ќе значи огромна сигурност во средниот ред. Бразилецот пристигна во клубот во 2022 година од Салернитана и брзо се наметна како еден од клучните столбови на тимот кој во 2024 година ја освои Лигата на Европа. Досега има забележано 180 настапи со учинок од 16 голови и шест асистенции, а неговата главна задача на теренот останува деструкцијата на противничката игра и контролирањето на ритмот во средината.