Драма се случува во Фенербахче по натпреварот со Рома во Лигата на шампионите. Тренерот Исмаил Картал објави дека поднесува оставка и дека нема намера да се врати на клупата, но претседателот Азиз Јилдирим веднаш го демантираше неговото заминување.

„Вечерва поднесов оставка. Оваа одлука ја донесов за да му отворам пат на клубот, без намера некогаш да се вратам“, изјави 65-годишниот тренер.

Картал по четврти пат го презеде Фенербахче во јули и успеа да го одведе тимот до лигашката фаза во Лигата на шампионите. Сепак, стартот во домашното првенство беше променлив, со две победи во првите четири кола и пораз во градското дерби од Бешикташ.

Дополнителен проблем се случи на мечот со Рома, кога навивач фрли шише кон Картал и го погоди во глава.

„Го погодиле со шише и поради тоа беше многу вознемирен. Ми кажа дека е под голем притисок“, откри Јилдирим.

И покрај оставката, претседателот тврди дека Картал ќе остане на функцијата.

„Нема потреба јавно да каже дека ќе продолжи. Јас сум негов надреден, му кажав да продолжи и тоа е тоа. Ние сме семејство“, порача Јилдирим.