Продажбата на Лос Анџелес Лејкерс за рекордни 12 милијарди долари очекувано предизвика бран реакции низ НБА лигата, а меѓу првите се огласи и првата ѕвезда на тимот, Лука Дончиќ. Словенечкиот кошаркар изрази целосна поддршка за новата сопственичка структура предводена од Џош Кушнер и Боб Ајгер, истакнувајќи дека е максимално мотивиран пред почетокот на новата сезона.
Дончиќ преку социјалните мрежи порача дека веќе се навикнал на големи промени во изминативе неколку години, но дека потенцијалот на оваа култна франшиза нема граници. Тој додаде дека примарна цел му е да и донесе нова шампионска титула на публиката во Лос Анџелес и со нетрпение го очекува средбата со новите газди за заедно да изградат нешто посебно.
Being a Laker means everything to me, and I’m excited to get back on the court and bring a championship to LA. I’ve gotten used to big changes over these last few years, but I know that no matter what, there is no limit to the potential of this iconic franchise. I look forward to…
— Luka Dončić (@lukadoncic) August 12, 2026
Сепак, не сите гледаат со оптимизам на оваа експресна препродажба. Поранешниот кошаркар на Лејкерс, Кајл Кузма, јавно го искажа својот сомнеж околу фактот што клубот смени сопственици двапати во период од само една година. Кузма кратко коментираше дека „никој не продава дијамант за 14 месеци ако сè функционира во најдобар ред“. И покрај скептицизмот, Кушнер и Ајгер влегуваат во клубот со големо искуство во спортската индустрија, одлучувајќи да инвестираат во Лејкерс откако претходно им пропаднаа плановите за формирање нов тим во Лас Вегас.