Словенечкиот кошаркар Лука Дончиќ се подготвува за почетокот на тренинг-кампот на Лос Анџелес Лејкерс пред новата НБА сезона, но неговото заминување од татковината донесе емотивен момент кој го разнежни спортскиот свет. Дончиќ објави емотивна порака посветена на своите ќерки Габриела и Оливија, кои во изминатите неколку месеци му беа апсолутен приоритет над сите случувања на кошаркарските терени.
Иницијалите „Г+О“ придружени со кратка, но моќна порака на мајчин јазик, го покажаа целото емотивно бреме што го носи суперѕвездата пред новото одвојување. Девојчињата остануваат во Словенија со мајката Анамарија Голтеш, додека Лука мора да им се врати на секојдневните професионални обврски во САД. Еден од најдобрите кошаркари на денешницата го мина најголемиот дел од летото во Словенија токму за да биде покрај нив, дури одлучувајќи да го прескокне настапот за националниот тим, ставајќи го семејството пред сите спортски мотиви.
По раскинувањето на свршувачката со неговата долгогодишна партнерка и правните перипетии околу старателството кои следеа, Дончиќ во повеќе наврати потенцираше дека ќерките се неговиот најголем фокус. Иако далечината повторно ќе биде предизвик додека трае жестокиот НБА ритам, словенечкиот ас со оваа објава јасно стави до знаење дека Габриела и Оливија остануваат со него во секој чекор, без разлика на километрите што ги делат.
View this post on Instagram