Европската кошарка наскоро би можела да добие нов мега-проект со огромни амбиции. Угледниот весник „Газета дело Спрот“ пренесува дека група американски инвеститори го презема италијанскиот клуб Кремона.
Планот на новите сопственици е тимот веднаш да се пресели во Рим. Овој проект ќе биде организиран по пример на модерните НБА франшизи. Со купувањето на лиценцата, новиот состав добива директно место во елитното италијанско првенство.
Легендарниот српски стратег Саша Ѓорѓевиќ е избран за прв тренер и предводник на спортскиот сектор. Во целата приказна наводно е вклучен и Лука Дончиќ. Словенечката суперѕвезда веќе ја поддржа идејата искусниот Ѓорѓевиќ да го води тимот.
Главна фигура во раководството ќе биде Дони Нелсон, познат долгогодишен оперативец во НБА лигата. Неговата клучна задача е да биде врската меѓу Рим и идната европска НБА дивизија. Пред Саша Ѓорѓевиќ би бил сериозен предизвик експресно да состави моќен тим за новата сезона.
🚨 In the coming days, Roma’s new team, which will compete in Italy’s Serie A basketball league, will be unveiled.
Donnie Nelson is at the helm, Rimantas Kaukenas is in charge of player acquisitions, and Sasha Djordjevic is on the bench. The Serbian coach arrives with the… pic.twitter.com/NBkAnqdcVI
— Alessandro Luigi Maggi (@AlessandroMagg4) May 27, 2026